Një burrë i ka atribuuar meritat më të larta pulmologut Dr. Shpetim Thaqi për shpëtimin e jetës së gruas së tij, ndërsa ka zbuluar se kardiologët dhe kardiokirurgët nuk i janë përgjigjur ftesave për konsulta dhe trajtim të pacientes
Bexhet Murtezi nga Gjilani ka dërguar një letër në adresë të Gazetës Shneta e cila mban datën 22 gusht të këtij viti. Letra mban titullin “Mirënjohje për Dr. Shpëtim Thaqin – që me ndihmën edhe të zotit shpëton jetë”.
Murtezi fillimisht tregon gjendjen në të cilën ishte bashkëshortja e tij si dhe diagnozën. Ai thotë se mjekët ua kishin shuar shpresat për jetë dhe gruaja i numëronte ditët. “Fal Dr. Shpëtim Thaqit në Klinikën e Pulmologjisë, drejtoreshës Rukije, Dr. Flamurit, Dr. Musës, e njëja edhe më tutje po jeton pa dhimbje por edhe gjendja e saj është stabile sipas analizave që shpesh i bëhen”, shkruan ai.
Murtezi i quan staf të mrekullueshëm Klinikën e Pulmologjisë për të cilët thotë se kishin krijuar afërsi me bashkëshorten e tij.
Por në këtë letër ai zbulon edhe disa parregullsi të cilat nuk do të duhej të ndodhnin. Murtezi tregon se si kardiologët dhe kardiokirurgët nuk i janë përgjigjur pozitivisht ftesave për konsulta dhe trajtim të pacientes.
“Dr. Shpëtimi përveç shërbimeve në klinikë, i thrriste në telefon kolegët e vet edhe nga shtëpia dhe interesohej për pacienten. Dr. Shpëtimi në mungesë të kardiologëve herë pas here vet ja bënte ehon pacientes dhe përcaktonte sasinë e likuidit rreth mbështjellësit të zemrës. E përcjellte më vëmendje dhe përkushtim nxjerrjen e likdit. Dr. Shpëtimi në rastet kur kardiokirurgët vonoheshin apo nuk i përgjigjeshin ftesës ai vet pastronte plagën në barkun e pacientes që ishte hap për nxjerrjen e likidit”, ka shkruar Murtezi në letrën e tij.
Tutje ai falënderon sërish stafin e Klinikës së Pulmologjisë, fal të cilëve thotë se është më optimist për jetën e gruas së tij. /Gazeta Shneta/