Në muajin dhjetor të vitit që shkoi, Komuna e Shtimes ka hapur konkurs për Doktor të Mjekësisë së Përgjithshme. Demokracia.com ka gjetur se në listën e ngushtë është përzgjedhur edhe një familjar i kryetarit të komunës, Qemajl Aliut.
Më 7 dhjetor, Komuna e Shtimes hapi konkurs për pranimin e tre mjekëve në punë me kontratë të përkohshme. Gjatë ditës së sotme, Komuna e Shtimes ka bërë publik kandidatët që janë përzgjedhur në listën e ngushtë për këto pozita.
Demokracia.com ka gjetur se në listë është i përfshirë edhe Agon Aliu, familjar i kryetarit Qemajl Aliu.
Se e ka familjar kryetarin, këtë e ka bërë të ditur edhe vetë Agon Aliu, në një fotografi të postuar para dy viteve në rrjetin social, Facebook.
Më poshtë mund të shihni fotografitë e marra nga llogaria e Facebook-ut të Aliut.
