Federata e Sindikatave të Shëndetësisë së Kosovës (FSSHK), ka njoftuar se ka vendosur që të organizojë një protestë me 14 nëntor para Ministrisë së Shëndetësisë me fillim nga ora 11:00.
Në njoftim thuhet se, ky vendim është marrë për të shprehur mospajtimin me propozimin e qeverisë për një rritje të vogël të koeficientit prej 0.5.
Po ashtu, përmes protestës sipas FSSHK-së do të shprehet edhe pakënaqësia për mosnënshkrimin e Kontratës Kolektive Sektoriale, si dhe për ndërprerjen e dialogut socila me Ministrinë e Shëndetësisë.
Njoftimi i plotë:
Federata e Sindikatave të Shëndetësisë së Kosovës ka vendosur të organizojë një protestë më 14 nëntor 2024, në ora 11:00, para Ministrisë së Shëndetësisë.
Vendimi për protestë u mor në mbledhjen e rregullt të Kryesisë më 31.10.2024,ku u diskutuan sfidat kryesore që po përballet sektori i shëndetësisë në Kosovë.
Me këtë protestë, FSSHK shpreh pakënaqësinë e thellë për ndërprerjen e dialogut social me Ministrinë e Shëndetësisë,mospajtimin me propozimin e qeverisë për një rritje të vogël të koeficientit prej 0.5, si dhe mosnënshkrimin e Kontratës Kolektive Sektoriale.
FSSHK thekson se këto veprime pengojnë përmirësimin e kushteve të punës dhe zhvillimin e një sistemi shëndetësor më të qëndrueshëm dhe të drejtë për të gjithë profesionistët shëndetësor.
Me respekt,
Kryesia e FSSHK-së