Një fëmijë i moshës 4 vjeçare është shtrirë në Klinikën e Kirurgjisë së Fëmijëve në QKUK pasi kishte përpirë një monedhë metalike.
Monedha metalike i kishte depërtuar në lukth duke i’a rrezikuar seriozisht shëndetin. Mjekët kanë ndërmarrë masat e nevojshme reanimatore nga anesteziologët e Klinikës së Anesteziologjisë dhe pastsj specialistët e Klinikës së Gastroenterologjisë me Hepatologji, përmes metodave endoskopike, fëmijës i larguan monedhën metalike nga lukthi, shkruan Gazeta Shneta.
Sipas njoftimit nga Shërbimi Spitalor Klinik dhe Universitar i Kosovës tani fëmija është në gjendje të mirë shëndetësore dhe gjendja e tij po mbikëqyret nga stafi i Klinikës së Kirurgjisë së Fëmijëve.
Mjekët apelojnë tek prindërit që të kenë kujdes të shtuar dhe mos të lejojnë që fëmijët të mbajnë monedha metalike dhe gjësende të imëta që mund t’i gëlltisin dhe të ju shkaktojnë telashe shëndetësore./Gazeta Shneta/