Shërbimi Spitalor Klinik dhe Universitar i Kosovës (ShSKUK) në muajin shkurt hapi konkurset për drejtorë të spitaleve në Ferizaj, Gjakovë dhe Mitrovicë.
Konkurs gjithashtu u hap edhe për pozitën shef i prokurimit në këtë institucion, shkruan Gazeta Shneta.
Në rezultate përfundimtare të publikuara sot, në pozitën shef i prokurimit është zgjedhur Ekrem Fetahu, i cili mori 92.2 pikë në fazën e vlerësimit.
Ndërkaq, në pozitën e drejtorit të Spitalit të Përgjithshëm të Gjakovës u zgjodh Hilim Shala, me 87 pikë vlerësuese.
Në konkursin për drejtor të Spitalit të Ferizajt kandidatët nuk e kaluan testin me shkrim, kurse konkursi për drejtor të Spitalit të Mitrovicës u anulua pasi nuk kishte kandidatë fare. /Gazeta Shneta/