Në një hap të rëndësishëm për shëndetin publik, Qendra Kryesore e Mjekësisë Familjare “Nëna Terezë” në Klinë nisi aplikimin e vaksinës së re kundër Human Papilloma Virus (HPV).
Aplikimi u bë në shkollën fillore “Ismet Rraci” në Klinë, duke filluar me vaksinimin e nxënëseve të klasave të gjashtë.
Vaksinimi kundër HPV është një masë preventive e rëndësishme për parandalimin e kancerit të qafës së mitrës, i cili prek në rritje të shqetësuar vajzat dhe gratë në të gjithë botën.
Statistikat tregojnë se vaksina mund të parandalojë shfaqjen e këtij kanceri në 99% të rasteve.
Në këtë shkollë, vaksinimi u krye për pothuajse 100% të nxënëseve vajza.