Është duke vazhduar debati për projekt – ligjin për rregullimin e çmimit të barnave në Kuvendin e Kosovës.
Inicuesja e këtij projekt – ligji, Floretë Zejnullahu, është shprehur e shqetësuar për faktin që nuk është duke u përkrahur projekt – ligji për rregullimin e çmimit të barnave nga LVV.
Ajo thotë se në kohën kur njerëzit po vdesin për shkak të mungesës së barnave Qeveri nuk e mbështetë këtë projekt- ligj.
“Në vitin 2019 e kemi pas një Udhëzim Administrativ për çmimin e barnave, por Qeveritë pasardhëse e kanë shfuqizu. Historia ka me dëshmu që jo edhe 20 vjet por edhe 200 vjet me ju dhanë Zoti ymer ju kurrë për kurgjo nuk keni me u mbajtë mend ju e keni shkatërru sektorin e shëndetësisië dhe ju dëshironi në kurriz të qytetarëve me përfitu dhe çdo ditë që e humbin në mungesë të këtij projekligji janë miliona të humbura të qytetarëve”, është shprehur ajo.
Zejnullahu thekson se nuk ka asnjë lidhje me oligarkët, duke akuzuar LVV se e kanë shitur ish -ministrin e shëndetësisë, Arben Vitia, tek oligarkët.
“Asnjë llojë lidhje me oligarkët nuk e kam, Arben Vitin e keni të punësuar të oligarkët, heroin e pandemisë ju e keni shit, ju e keni shit tek oligarkët”, u shpreh deputetja.
Për Udhëzimin Administrativ të vitit 2019, ka reaguar deputetja Fatmire Kollqaku, kundrejtë, deputetës, Floretë Zejnullahu.
Kollqaku ia sqaron Zejnullahut se udhëzimi administrativë nuk është ligj dhe kanë një dallim të madhë ndërmjet vete, ajo thotë, se në momentin që dëshiron ta demantoj të bëjë me argument.
“Një udhëzim (administrative) nuk është ligj, unë e ceka që për herë të parë në Qeverin Kurti është mendu që kjo qështje përfundimisht dhe po bëhet, siç e tha ministri, është përfudnu një ligj që do ta rregullojë këtë qështje dhe ju lus kur tenton të më demantoj së paku të jetë e argumentuar”, u shpreh Kollqaku.
Rifat Latifi: Projekt – ligji për rregullimin e çmimit të barnave është kryer