Shkencëtarët thonë se një formë e re e mpox e gjetur mes një shpërthimi në Kongo mund të përhapet më lehtë mes njerëzve.
Republika Demokratike e Kongos ka pasur më shumë se 4,500 raste të dyshuara të mpox dhe rreth 300 vdekje që nga janari. Vendi kohët e fundit e shpalli shpërthimin një emergjencë shëndetësore, shkruan burimi Euronews Health përcjell Gazeta Shneta.
Një analizë e pacientëve të shtruar në spital midis tetorit dhe janarit në Kamituga, Kongo Lindore, sugjeron se mutacionet gjenetike të fundit në mpox janë rezultat i transmetimit të vazhdueshëm te njerëzit.
Dr. Placide Mbala-Kingebeni, studiuesi kryesor i studimit, tha se “ne jemi në një fazë të re të mpox”.
Dr. Mbala-Kingebeni drejton një laborator në Institutin Kombëtar të Kërkimeve Biomjekësore të Kongos, i cili studion gjenetikën e sëmundjeve. Analiza së shpejti do të dorëzohet në një revistë për botim.
Mes tjerash, Dr. Mbala-Kingebeni tha se lezionet e raportuara nga shumica e pacientëve janë më të buta dhe në organet gjenitale, gjë që e bën sëmundjen më të ndërlikuar për t’u diagnostikuar. Lezionet janë parë kryesisht në gjoks, duar dhe këmbë në shpërthimet e mëparshme.
Në një raport mbi situatën globale të mpox këtë javë, OBSH tha se versioni i ri i sëmundjes mund të kërkojë një strategji të re testimi për të kapur mutacionet. /Gazeta Shneta/