Federata e Sindikatave të Shëndetësisë po e konsideron skandaloze presonin nga kolegjet private ndaj infermierëve për të regjistruar fakultetin e infermierisë
Kryetari i FSSHK-së, Dr. Blerim Syla ka reaguar me një deklaratë pas raportimit të Gazetës Shneta për këshillin nacional të infermierëve të formuar nga Oda e Infermierëve të Kosovës. Ky këshill kryesohet nga rektorja e kolegjit Heimerer Natyra Karahoda, ndërsa anëtarë janë kryetari i OIK-ut Naser Rrustemaj i cili ligjëron në kolegjin AAB, dhe disa ligjërues tjerë të kolegjeve private, shkruan Gazeta Shneta.
Vendimi i parë pas themelimit të këtij këshilli është kërkesa për përcaktimin e koeficientit sipas gradës së shkollimit. Kjo gjë po konsiderohet si presion ndaj infermierëve për të regjistruar infermierinë në kolegje.
Syla e ka quajtur skandaloze këtë presion dhe ka kërkuar që kolegjet të mos përzihen në çështjet e infermierëve.
“Federata e ka dhënë qëndrimin e saj. Kjo është skandaloze dhe presioni për me shku në këto kolegje. Askush nuk është më legjitim se FSSHK për këto çështje. Edhe kjo sindikatë po manipulon me punëtorë sepse edhe këta apo disa prej tyre janë apo kanë qenë pjesë e këtyre kolegjeve. Kjo ndodhë vetëm në Kosovë që kolegjet të përzihen aty ku nuk e kanë vendin. Tek e fundit FSSHK ka mbrojtur parimin pagë të njëjtë për punë të njëjtë”, ka deklaruar Syla. /Gazeta Shneta/