Numri i rasteve së dhunës ndaj personelit shëndetësor kohët e fundit është rritur. Ditë më parë ka reaguar Federata e Sindikatave të Shëndetësisë së Kosovës. E kjo e fundit përsëri sot ka dalë më një reagim ndaj rastit të fundit që ka ndodhur në spitalin e Ferizajt.
Të shtunën në Qendrën Emergjente në Ferizaj, një mjek është futur në sherr me një person, i cili dyshohet se tentoi edhe ta ther me një mjet të mprehtë. Lidhur me këtë rast ka reaguar FSShK-ja e cila është shprehur e indinjuar dhe njëkohësisht falënderuese ndaj organeve të rendit, shkruan Gazeta Shneta.
FSSHK është jashtëzakonisht e indinjuar me rastin i cili ka ndodhur gjatë vikendit ndaj mjekut kujdestar pranë Spitalit në Ferizaj dhe njëherit falenderuese ndaj organeve të rendit për reagim të shpejtë ndaj kryerësit të këtij akti, – thuhet në njoftim.
Përmes njoftimit ata kanë thënë se këto sulme janë si rezultat i mosreagimit institucional për sulmet e tilla por edhe marrjen e masave shtesë në sigurimin e kushteve të punës për punëtorët shëndetësor.
Jo më kot FSSHK këto sulme të vazhdueshme gjithandej vendit i cilëson si fenomen i kthyer në përditshmëri,kjo si rezultat i mos reagimit institucional për sulmet e tilla por edhe marrjen e masave shtesë në sigurimin e kushteve të punës për punëtorët shëndetësor.
FSSHK vazhdon dhe përsërit kërkesën ndaj Ministrisë së Shëndetësisë,SHSKUK dhe Komunave që sigurinë e punëtorëve shëndetësor ta trajtojnë me prioritet, – shkruhet në njoftim./Gazeta Shneta/