Drejtori i Institutit të Mjekësisë Ligjore, Dr. Arsim Gërxhaliu, ka deklaruar se ekipa kujdestare e mjekëve ka arritur për 55 minuta në Brezovicë për të marr trupin e pajetë të Arian Dacit.
Këtë deklaratë Gërxhaliu e ka postuar në Facebook, pas raportimeve në media se mjekët ligjor janë vonuar deri në pesë orë për ta tërhequr kufomën e të ndjerit, shkruan Gazeta Shneta.
“Mjekësia ligjore është kujdestare 24 ore me hetuesit e vdekjes ne vendin e ngjarjes, dhe përgjigjet vetëm në thirrjet zyrtare nga policia. Pas marrjes së thirrjes vetura e IML-se ka arritur për 55 minuta në parkingun e Brezovices”, ka shkruar Gërxhaliu.
Arian Daci, djali i kryetarit të Akademisë së Shkencave Nexhat Daci, ka ndërruar jetë sot pasi u zu nga një ortek bore në Brezovicë. Rastin është duke e hetuar Prokuroria e Shtetit, ndërsa mjekët ligjorë pritet të kryejnë obduksionin gjatë ditës së sotme. /Gazeta Shneta/
