Një pacient 15-vjeçar, Musai nga Shqipëria ishte dërguar në gjendje të dëshpëruar në spitalin “Gaslini” në Itali. Pacienti ishte në gjendje kome vegjetative, ndërsa pas trajtimit të mjekëve italianë është zgjuar dhe sot është liruar për në shtëpi në gjendje të mirë shëndetësore.
Emocione dhe gëzim i madh në Spitalin “Gaslini” në Genoa të Italisë. Kjo për shkak të një pacienti shqiptar i cili ishte pranuar në gjendje kome vegjetative dhe pas trajtimit të mjekëve është zgjuar dhe sot është liruar në gjendje të mirë shëndetësore, shkruan genoatoday, transmeton Gazeta Shneta.
Musai 15-vjeçar shqiptar kishte rënë në koma pas një aksidenti në liqenin e Shkodrës në gusht të vitit të kaluar. Familjarët organizuan mbledhje fondesh çka bëri të mundur dërgimin e tij për trajtim në Itali.
“Sot, nëntë muaj pas aksidentit dhe pesë muaj pas pranimit në Gaslini, ne mund ta lirojmë për në shtëpi pacientin që ai t’i rikthehet jetës normale. Ky është një sukses i ekipit mjekësor dhe këmbënguljes e bashkëpunimit të operatorëve të ndryshëm”, ka deklaruar drejtori i spitalit, Paolo Petralia. /Gazeta Shneta/