Gjashtë kandidatë ia kanë mësyrë pozitës së drejtorit të departamentit për Licencim në MSh
Në konkursin për Drejtor të Departamentit për Cilësi, Siguri, Licencim dhe Akreditim të Institucioneve Shëndetësore, në Ministrinë e Shëndetësisë janë pranuar gjashtë kandidatë, shkruan Gazeta Shneta.
Kandidatët Fatbardh Sallahu, Habib Mekolli, Hilmi Halili, Ragip Hyseni, Ramadan Beqiri dhe Skender Lllalloshi, i kanë plotësuar kriteret për këtë konkurs.
Ndërkaq nëntë kandidatë të tjerë kanë mbetur jashtë garës: Bashkim Tasholli, Besnik Hajdari, Bislim Hajdari, Feston Hajdini, Gent Berisha, Nazan Spahi, Ruvejda Braha, Sadik Ahmetaj dhe Ylberie Kozmaqi.
Për këtë konkurs është kërkuar diplomë e arsimit të nivelit Bachellor, pa specifikuar drejtimet, dhe së paku tre vite përvojë punë profesionale.
Udhëheqësi i kësaj pozite propozon dhe harton politikat dhe kriteret për licencimin e institucioneve shëndetësore, mbikëqyr zbatimin e tyre, koordinon Bordin për licencim, etj. /Gazeta Shneta/