Një tjetër klinikë mjekësore në Zvicër do të udhëhiqet nga një mjek kosovar.
Prof. Dr. Alban Neziri, më 11 shtator, ka hapur klinikën më të re gjinekologjike në Langenthali, qytet në kantonin Bernit në Zvicër, shkruan Gazeta Shneta.
‘Gynäkologiezentrum Langete’ është quajtur kjo qendër gjinekologjike, e cila do të ofrojë shërbime të Shëndetit Femëror nga Dr. Neziri me kolegë.
Në hapjen e kësaj qendre ishin prezent shumë figura të njohura të diasporës shqiptare në Zvicër, teksa urim të veçantë për hapjen e kësaj klinike, Dr. Neziri mori edhe nga kreu i Komunës Langenthali, Reto Muller.
Përveç përgatitjes së tij, Dr. Neziri në këtë klinikë ka investuar edhe me aparaturat e teknologjisë së fundit, duke ua prezantuar miqve edhe ultrazërin më të ri Voluson E10.
Kjo qendër do të drejtohet Dr. Neziri, së bashku edhe me bashkëthemeluesen, bashkëshorten e tij, Ryve Neziri, eksperte e infermierisë në degën e nefrologjisë. /Gazeta Shneta/
