Deputeti i PDK-së në Kuvendin e Kosovës Bekim Haxhiu ka bërë një postim në Facebook ku ka kërkuar të dijë se pse nuk është hapur spitali pediatrik në QKUK edhe 46 ditë pas inaugurimit.
“Tash e 46 ditë nga dita e inagurimit, Spitali i fëmijëve vazhdon të qëndroi i mbyllur pa ofruar shërbime për pacientët ani pse konsiderohet si një nga spitalet me moderne në rajon për nga kapacitetet, shërbimet e pediatrisë dhe të kirurgjisë pediatrike”, ka shkruar Haxhiu.
Ai ka thënë se derisa pajisjet moderne po qëndrojnë të papërdorura në këtë spital, prindërit duhet të kërkojnë shërim për fëmijët e tyre ne spitalet private.
Postimi i plotë i Haxhiut:
Çka po ndodh me Spitalin e fëmijëve që u inaugurua me aq pompozitet, në QKUK?
Kërkoj nga Qeveria të tregojë pse nuk është funksional Spitali i fëmijëve që u inagurua me 13 shtator, i cili u ndërtua falë bashkëpunimit të Kosovës me Qeverinë e Emirateve të Bashkuara Arabe.
Tash e 46 ditë nga dita e inagurimit, Spitali i fëmijëve vazhdon të qëndroi i mbyllur pa ofruar shërbime për pacientët ani pse konsiderohet si një nga spitalet me moderne në rajon për nga kapacitetet, shërbimet e pediatrisë dhe të kirurgjisë pediatrike.
Ku qëndron problemi që ende asnjë pacient nuk ka mundur të marr asnjë shërbim në atë spital.
Paisjet moderne për diagnostifikim dhe trajtim të pacientëve qëndrojnë të papërdorura ndërsa prindërit duhet të kërkojnë shërim në klinikat private në Kosovë dhe jashtë saj për fëmijët e tyre.
A duhet të jap dikush llogari pse është bërë inaugurimi i spitalit të fëmijëve nëse nuk ka qenë funksional, ndërsa ende pas 46 ditëve nuk ofrohen shërbime për pacientë.
A ishte edhe ky inagurim pjesë e fushatës elektorale?