95 persona, mes tyre 50 fëmijë, janë paraqitur në urgjencën e spitalit Rajonal të Peshkopisë me simptoma helmimi.
Mjekët dyshojnë se ata janë helmuar si pasojë e konsumimit të tortave nga e njëjta pastiçeri në qyteti.
Nga informacionet që vijnë nga spitali, rezulton se 30 të rritur dhe 15 fëmijë janë akoma të shtruar, ndërsa pjesa tjetër janë larguar në shtëpi.
Drejtoria e Shëndetit Publik me konstatimin e rastit ka marrë mostrat dhe i ka dërguar në Tiranë. Në bashkëpunim me inspektoriatin e sigurisë ushqimore ka bllokuar pastiçerinë ku dyshohet se janë shitur tortat.
