Hetem Ramadani i cili po pretendon se shëron disa lloje të sëmundjeve nëpërmjet mjekësisë alternative, duket se nuk i ka në qejf mjekët e Kosovës.
Ramadani ka qenë i ftuar sot në T7 ku ka folur për të bëmat e tij. Ai thotë se e shëron diabetin, ndërsa insulinën e vlerëson si helm, transmeton Gazeta Shneta.
Ramadani ka deklaruar se tani është duke e trajtuar një paciente të sëmurë nga kanceri, dhe është i bindur se do ta shëroj. Por ai ka thënë se mjekët po i frikësojnë pacientët për metodat e tij.
“Çka bëjnë këtu mjekët, unë nuk do t’ia quaj sikur ajo zonja që tha janë kriminel, por unë e transcendentova në meditim dhe thash po krijoj fjalën kriminel. Me i pa ti fëmijët se çfarë doza iu japin mjekët dhe çfarë recepture, mund të them që…”, është shprehur Ramadani duke e ndërprerë fjalinë në këtë mes.
Ai ka shtuar tutje se antibiotikët janë burim i kancerit sepse mbysin bakteret në zorrë.
Ramadani ka ftuar mjekët specialist për t’u përballur me të në debate televizive për sëmundjet e ndryshme. /Gazeta Shneta/