Oda e Mjekëve të Kosovës ka bërë një hulumtim në mesin e anëtarëve të saj lidhur me marrjen e vaksinës anti-covid.
Në hulumtimin e OMK-së janë përfshirë 2 mijë e 273 mjekë të tre niveleve shëndetësore në Kosovë, nga të cilët 5.7 për qind kanë deklaruar se nuk do të marrin vaksinën, shkruan Gazeta Shneta.
Në mesin e mjekëve që nuk duan të marrin vaksinën, mbi 50 për qind e tyre kanë deklaruar pasiguri ndaj efekteve anësore.
Ndërkaq sipas hulumtimit, 94.3 për qind e mjekëve kanë thënë se do të vaksinohen me vaksinat anti-Covid.
“Qytetarët e Kosovës në rrugën e vetme të besimit dhe informimit rreth vaksinimit e kanë Mjekun. Prandaj rezultatet e këtij hulumtimi do duhej të jenë një tregues se popullata nuk ka nevojë të frikësohet apo të jenë skeptik rreth vaksinimit kur vet mjekët i besojnë asaj”, thuhet në njoftimin e OMK-së. /Gazeta Shneta/