Sokol Halili nuk i është dorëzuar Policisë së Kosovës, duke bërë vetëvrasje
Ministri i Punëve të Brendshme Xhelal Sveçla ka konfirmuar se Policia e Kosovës ka arritur sot të lokalizoj vendin ku fshihej Sokol Halili, i dyshuari për vrasjen e gruas shtatzënë në oborrin e Klinikës së Gjinekologjisë në QKUK, shkruan Gazeta Shneta.
Sveçla ka bërë të ditur se Halili nuk i është dorëzuar Policisë dhe e ka vrarë vetën.
“Pas një pune intenzive të të gjitha njësiteve të Policisë së Kosovës është arritur që të lokalizohet vendndodhja e vrasësit Sokol Halili. Përkundër tentativës së zyrtarëve policor që të negociojnë dorëzimin, dorasi vret veten”, ka shkruar Sveçla.
Ministri ka thënë se hetimet do të vazhdojnë për zbulimin e të gjitha rrethanave deri në vrasjen e gruas shtatzënë.
“Policia e Kosovës si dhe Inspektoriati Policor i Kosovës do të vazhdojnë hetimet për zbulimin e të gjitha rrethanave të vrasjes së gruas shtatëzënë dhe vetëvrasjes së dorasit”, ka deklaruar Sveçla. /Gazeta Shneta/