Vigan Gashi, 20 vjeçar, i cili është shurdhmemec, ka konkuruar për pozitën punëtor krahu në QKUK.
Sipas babit të tij, ai ka kryer shkollën e mesme teknike dhe nuk ishte lajmëruar fare nga QKUK-ja për ditën e testimit, transmeton GazetaShneta.
Rastësisht, ai kishte shkuar në QKUK dhe ka kuptuar se kur do të mbahet testi me shkrim.
Mirëpo, situata shkon e bëhet më dramatike kur ai përveç që nuk lejohet të asistohet nga prindi i tij gjatë testimit për shkak të kufizimeve në komunikim, ai nuk është bërë pjesë as në listën e pjesëmarrësve në testim, as që është pranuar apo refuzuar e as në listën rezervë.
E për rastin e tij që sigurisht nuk është i vetmi ku i bëhet keqtrajtim kësaj kategorie, në grupit Netëork Prishtina është marrë nisma që t’i ndihmohet Viganit, që edhe ai të ketë një punë.
Menjëherë kanë filluar reagimet e qytetarëve të cilët përveç se të mllefosur me keqtrajtimin që iu bëhet kësaj kategorie, kanë shprehur solidaritetin për të ndihmuar këtë të ri./IndeksOnline