Instituti Kombëtar i Shëndetësisë Publike të Kosovës (IKSHPK), ka apeluar tek të gjithë qytetarët që të përdorin maskat në ambientet e mbyllura.
IKSHPK, ka bërë thirrje drejt qytetarëve që të përdorin maskat në ambientet e mbyllura dhe të vaksinohen kundër infeksionit COVID-19, shkruan Gazeta Shneta.
Duke parë trendin e rritjes së rasteve në Kosovë, IKSHPK ka paralajmëruar për kujdes, pasiqë gjatë 24-orëve të fundit janë regjistruar dy raste të vdekjes si pasojë e COVID-19.
“IKSHPK është duke vazhduar pandërprerë me testimin dhe gjurmimin e të gjitha rasteve, kontakteve të rasteve në komunitet dhe diagnostikimin laboratorik andaj të gjithë personat me kokëdhembje, kollitje, dhembje fyti, vështirësi në frymëmarrje, rrjedhje hundësh, temperaturë, plogështi, humbje e shijes, rekomandohen të testohen. Me qëllim të përforcimit të imunitetit dhe parandalimit të rasteve të reja dhe formave të rënda të sëmundjes, qytetarët këshillohen që të vaksinohen” ka njoftuar IKSHPK-ja. /Gazeta Shneta/