Lodrat e fëmijëve, pos argëtimit, mund t’ua rrezikojnë edhe shëndetin e tyre, për shkak të cilësisë së tyre.
Frikë për cilësinë e lodrave që po qarkullojnë nëpër Kosovë kanë Instituti Kombëtar i Shëndetit Publik të Kosovës, zyrtarë të së cilës po thonë se derisa nuk ka kontrolle të vazhdueshme, ka vend për shqetësim, njofton Klan Kosova.
Sipas Dr. Drita Zogajt, drejtore e entit laboratorik të IKShPK-së, kimikatet që mund të përmbajnë potencialisht lodrat plastike, mund të rrezikojnë sistemin riprodhues dhe mund të shkaktojnë çrregullim hormonal tek fëmijët në rast se përcjellen.
Ndërkaq, shqetësime për lodrat kanë shprehur edhe Ministria e Tregtisë dhe Industrisë, e cila ka thënë se janë dërguar mostra për analizë jashtë vendit.
Në anën tjetër, zyrtarë doganor veçse kanë konfirmuar se një kontrollim për lodrat kryhet në pikat kufitare.