“Vaksinimi apo më mirë të themi imunizimi në masë është çelësi dhe arma e vetme në vend dhe jashtë për të luftuar dhe parandaluar COVID-19”, tha infektologu Hamdi Ramadani.
Në një intervistë për Gazeta Shneta, ish-drejtori i Klinikës Infektive, tha se për të ndaluar përhapjen e variantit Omicron duhet që institucionet shëndetësore dhe ato shtetërore të promovojnë edhe më shumë vaksinimin dhe imunizimin edhe me dozën përforcuese.
“Sa më shumë të kemi të imunizuar aq më i sigurtë do jetë vendi nga pandemia dhe qytetarët me shëndet të tyre”, tha ai.
E, sipas Ramadanit tashmë është koha që Kosova të siguroj medikamente të avansuara për të luftuar në vijim me këtë virus, që shteti të jetë i përgatitur për çdo gjë.
“Vendi ynë poashtu duhet siguruar edhe barera të avansuara për mjekimim dhe luftimin e pandemisë, tani që janë të lejuara edhe nga FDA dhe EMA. Këto barëra mund të luftojnë sëmundjen deri ne 89 ose 90% në mbrojte ndaj virusit vdekjeprurës të Covid-19, me variante të lloj-llojshme B1, ose tjerave nëngrupe të Omicronit”, tha Ramadani.
Tutje, sipas infektologut java në vijim do të jetë një mundësi për qytetarët që të ketë masa më pak kufizuëse nësë do bie numri i rasteve aktive me COVID-19.
“Kjo do shihet në javen që vjen, pra nga pesë deri në shtatë ditët e ardhshme. Tani mendoj se është detyrë dhe obligim që qytetarët të përgjigjen për shëndetin e vet, familjes, miqeve e shoqerisë, me masa te njohura tani botërishtë kundër luftimit të pandemisë, në vend si dhe shtete tjera që janë duke punuar për luftën kundër Covid -19”, përfundoi ai për Gazeta Shneta.
Kujtojmë që sot kanë hyrë në fuqi masat e reja kundër COVID-19 me vendim të Qeverisë së Kosovës. /Gazeta Shneta/