Mëngjesi i sotëm, ndyshe nga të tjerët i zuri infermierët e ShSKUK-së para drejtorisë duke mbajtur grevë.
Përmes grevës një orëshe ata kërkojnë përfaqësim në Bordin e Shërbimit Spitalor Klinik Universitar të Kosovës, pjesmarrje në Komisionin Diciplinorë, paga dinjëtoze e kushte të mira të punës.
Ndonëse kjo nuk është greva e tyre e parë që kërkojnë kushte dhe paga më të mira, një gjë e tillë ende nuk është ndryshuar.
E ashtu siç paralajmërojnë përfaqësuesit e Sindikatës së Infermierëve, kjo nuk do të jetë greva e fundit nëse kërkesat e tyre nuk merren parasysh, shkruan Gazeta Shneta.
Përfaqësuesi i Sindikatës së Infermierëve, Enlirat Duraku tha së kërkesat e tyre kryesore vazhdojnë të jenë në rritjen e koeficientit të pagave në 7.1 si dhe pagesa e kujdestarive me një kosto më të lartë.
“Këkesat e komunitetit të infermirëve, mamive dhe profesionistëve të tjerë shëndetësorë janë kërkesa bazike nuk janë kërkesa luksozve , faktikisht kërkesa që e kanë burim Ligjin e Punës, por që asnjëherë nuk është mbikqyr zbatimi i Ligjit të Punës. Siç edhe e keni vërejtë edhe në njoftime, kërkesat e Sindikatës së Infermierëve janë koeficienti 7.1 për komitetete tona apo 70% e pages së mjekut. Kërkesa tjetër është rritja e pagesës së ndrrimëve të natës. Duke u mbështetur në faktin e rritjës së kostos shpenzimëve jetësore, një pagesë e tillë, siç e quajmë ne pagesën e ndrrimit të natës me 18 euro apo 10 litra nafta, nuk i mjafton një infermieri e sidomos atyre që udhëtojnë nga regjionet”, tha ai për media.
Tutje Duraku shtoi se kërkesa e radhës është respektimi i Ligjit të Punës, fillimi i pagesës së mënjëhershme në rrezikshmëri në punë, të punës në vikende, festa si dhe pagesa e orëve shtesë për komunitete e tyre.
Duraku ndër të tjera theksoi se si si fuqia më e madhe puntore në shëndetësi që janë, pasi përfshijnë 75% të fuqisë puntore , ata nuk kanë një përfaqësues në bordin e ShSKUK-së, e sipas Durakut prezenca e një përfaqësuesi në bord është një kërkesë tjetër e tyre.
Tutje Duraku shtoi se pakënaqësitë e tyre nuk kanë të bëjnë vetëm me kostot e pagesave.
“ShSKUK dhe Bordi i tij kanë dështuar edhe në realizimin e radhës së kërkesave tona, që është kthimi i departamentit të infermierisë në QKUK që ka qenë çdo herë, pavarësishtë që jemi fuqia më e madhe punëtore ne nuk kemi departament”, tha ai.
Tutje, Fitim Havolli nga Shoqata e Infermierëve të Kosovës bëri apel ndaj Qeverisë dhe të gjithë skemes politike që kërkesat e tyre të realizohen, pasi mungesa e kushtëve të mira të punës, sipas tij po shtyen në ikjën e puntorëve shëndetësor nga vendi./Gazeta Shneta