Oda e Infermierëve të Kosovës ka shprehur zhgënjimin me miratimin e ligjit të për paga, i cili i ka vendosur infermierët në vetëm dy kategori varësisht nivelit të institucioneve ku punojnë, duke mos vlerësuar kështu edhe shkollimin e tyre.
Infermierët e kanë quajtur diskriminues këtë ligj dhe kanë thënë se do të kërkojnë përmirësimin e koeficientit deri në hyrjen në fuqi të këtij ligji, shkruan Gazeta Shneta.
Reagimi i tyre i plotë:
KOMUNIKATË PËR MEDIA
Oda e Infermierëve, Mamive dhe Profesionistëve tjerë Shëndetësorë të Kosovës, shpreh zhgënjimin e thellë pas aprovimit të Ligjit të pagave nga Kuvendi i Republikës së Kosovës. Arsye për këtë është trajtimi jo i barabartë dhe diskriminues i profileve që përfaqëson OIK-u me profesionistët tjerë të së njëjtës kategori sipas shkollimit (bachelor 3 vite).
Ne si OIK do ti përdorim të gjithë mekanizmat Institucional dhe ligjor që deri në hyrjen në fuqi të këtij Ligji të shikohet mundësia nga të gjithë akterët e përfshirë në këtë çështje që të bëhët përmirësimi i këtij Ligji dhe zgjidhja e kësaj padrejtësie për komunitetin që përfaqëson OIK.
Oda e Infermierëve, Mamive dhe Profesionistëve tjerë Shëndetësorë të Kosovës edhe një herë thekson se bazuar në kompetencat që ka, do t`iu drejtohet me shkresë të veçantë Ministrit të Shëndetësisë, Ministrit të Administratës Publike, Kryeministrit, Kryeparlamentarit, Komisioneve Parlamentare të përfshira në hartimin e këtij Ligji, Presidentit, e poashtu edhe Gjykatës Kushtetuese për mbrojtje legjitime të interesave të këtij komuniteti duke u mbështetur në nivelet e shkollimit krahasuar me nivelet tjera të ngjajshme të shkollimit Bachelor 3 vite të përfshira në këtë Ligj.