Në një skandal me një tender të furnizimit me barna esenciale në vitin 2010, Berat Marmullaku ishte përfshirë së bashku me tre zyrtarë tjerë të Ministrisë së Shëndetësisë.
Marmullaku dhe tre zyrtarë tjerë akuzoheshin për keqpërdorim të detyrës zyrtare, pasi në cilësinë e anëtarëve të Komisionit Vlerësues të tenderit për furnizim me barna nga lista esenciale kishin tejkaluar kompetencat duke rekomanduar si kompani fitues “Medical Group”, ndonëse e njëjta nuk i kishte plotësuar kriteret.
Me këtë tender, kompania kishte arritur të përfitojë kontratë në vlerë mbi 74 mijë euro, shkruan Gazeta Shneta.
Por për këtë akuzë, Marmullaku dhe zyrtarët tjerë ishin shpallur të pafajshëm në muajin mars të vitit të kaluar me arsyetimin se nuk kanë gjetur prova.
Edhe pas këtyre akuzave, Berat Marmullaku është emëruar shef i Prokurimit në Ministrinë e Shëndetësisë.
Emërimi i tij vjen vetëm pak javë pasi në krye të ministrisë erdhi Uran Ismaili nga radhët e Partisë Demokratike të Kosovës.
Ismaili kishte premtuar reforma në MSH dhe poashtu kishte paralajmëruar llogaridhënie më të madhe. /Gazeta Shneta/