Politikanët kosovarë po vazhdojnë të trajtohen jashtë vendit për problemet e tyre shëndetësore, duke mos preferuar ta bëjnë një gjë të tillë në Kosovë, vendin ku ata po e menaxhojnë.
I tillë duket se është edhe ish-presidenti, Fatmir Sejdiu. Ai ka vizituar Dr Halil Krasniqin, i cili punon dhe vepron në Gjermani, shkruan Gazeta Shneta.
Fotografinë për vizitën e ish-presidentit në klinikën e Dr Krasniqit, e postoi në rrjetet sociale vetë ky i fundit.
Ndryshe, Dr Krasniqi është një nga kirurgët më të shquar vaskular në Gjermani.
Ai kujdeset edhe për pacientët e tij në Kosovë, përmes vizitave të kohëpaskohshme që ka në Spitalin Amerikan në Prishtinë. /Gazeta Shneta/
