Ish-Sekretari i Përgjithshëm i Ministrisë së Shëndetësisë Naim Bardiqi, e ka siguruar ulësen në Kuvendin e Kosovës.
Bardiqi kandidoi për deputet nga radhët e Lëvizjes Vetëvendosje. Kjo parti fitoi mbi 51% të votave dhe mori gjithsej 57 ulëse në Kuvendin e Kosovës, shkruan Gazeta Shneta.
Bardiqi mori 18,398 Vota në zgjedhjet e 28 dhjetorit. Ai ka dal me një status në Facebook ku i ka falënderuar votuesit e tij:
Të dashur qytetarë të Kosovës,
votues të Lëvizjes VETËVENDOSJE! dhe miq të mi,
Faleminderit nga zemra për besimin dhe mbështetjen tuaj në zgjedhjet e 28 dhjetorit 2025. Çdo votë dhe çdo fjalë përkrahjeje është vlerësim i madh dhe përgjegjësi për mua.
Renditja ime në listën e partisë fituese është motiv shtesë për të vazhduar me përkushtim, ndershmëri dhe shërbim ndaj qytetarëve. Fitorja e VETËVENDOSJE!-s është fitore e shpresës.
Mirënjohje e thellë për secilin prej jush. Rrugëtimi vazhdon bashkë ”, ka shkruar Bardiqi. /Gazeta Shneta/