Deputeti i Kuvendit të Kosovës i është gëzuar Ligjit për Paga të miratuar dje nga ai dhe kolegët e tij. Por, i ka mbetur peng vlerësimi jo i duhur për infermierët, mamitë dhe profesonistët e tjerë mjekësorë jomjek.
Në një postim në rrjete sociale, Haxhiu shkroi se ai dhe dy kolegë të tij propozuan koeficientë më të lartë për kategoritë e sipërpërmendura, por nuk gjetën përkrahje, shkruan Gazeta Shneta.
“Ligji i Pagave pasqyron progres në sektorin e shëndetësisë, por nuk ka vlerësuar në nivelin e kërkuar edhe infermieret, mamitë dhe profesionistët tjerë mjekësorë.
Propozim amendamentet e mija dhe të kolegëve Xhevahire Izmaku dhe Fatmir Xhelili në Projektligjin e Pagave nuk mori votat e mjaftueshme.
Ne kemi propozuar amendamente 17 faqëshe, pra një KAPITULL të veçantë për sektorin e shëndetesisë.
Me amendamentet tona kemi vlerësuar përgatitjen profesionale, shkollimin, përgatitjen shkencore, akademike dhe përvojën e punës, për të gjithë profesionistët shëndetësorë: mjekët, stomatologët, farmacistët, psikologët klinik, fizioterapeutët, logopedët, ergoterapeutët, biokimstët, radiologët, infermirët, mamitë dhe teknikët tjerë mjekësor.
Prandaj, mendoj se vlerësimi dhe kategorizimi i të gjithë profesionistëve shëndetësorë duhet të rregullohet me ligj të veçantë, me “Ligjin Për Vlerësimin dhe Kategorizimin e Profesionistëve Shëndetësorë në Sektorin Publik” të cilin do ta bënim së bashku me të gjitha Odat e Profesionistëve Shëndetësorë.
Për këtë qëllim mendoj se amendamentit të propozuar nga unë, Xhevahire Izmaku dhe Fatmir Xhelili i cili u vlerësua pozitivisht nga të gjithë, por që nuk mori votat e nevojshme në Kuvend, do të jetë një pikënisje e mirë për ligj të veçantë”, shkroi Haxhiu.
Ai madje ka publikuar listën me emrat e deputetëve që nuk e mbështetën propozimin e tyre.
Postimi i plotë: