Numri i japonezëve që kanë mbushur 100-vjeç dhe përtej, ka arritur një rekord të ri, sipas të dhënave më të fundit.
Sipas burimit Euronews Health, kjo është hera e 55-të radhazi që Japonia, e njohur për jetëgjatësinë e saj, arrin këtë shifër historike. Deri më 1 shtator, vendi kishte 99,763 qindvjeçarë, 4,644 më shumë krahasuar me vitin e kaluar, raportojnë mediat japoneze.
Shumica absolute – rreth 88 për qind – janë gra.
Gruaja më e moshuar në Japoni është Shigeko Kagawa, 114- vjeçe, ndërsa burri më i moshuar është Kiyotaka Mizuno, 111-vjeç, sipas mediave kombëtare.
Ekspertët e shëndetit besojnë se jetëgjatësia e gjatë e Japonisë – mesatarisht 84.5 vjet – lidhet me mënyrën e jetesës dhe sistemin e fortë shëndetësor.
Në Japoni ka aq shumë të moshuar sa që çdo vit, kryeministri u dërgon një letër urimi dhe një dhuratë atyre që mbushin 100-vjet.
Ministria e Shëndetësisë thotë se ky gjest synon të “shprehë mirënjohje për kontributin e gjatë të tyre në zhvillimin e shoqërisë dhe të nxisë interesin dhe mirëkuptimin e publikut për mirëqenien e të moshuarve”.
Mbi 52,000 persona do të marrin këtë vlerësim këtë vit, i cili do të dorëzohet në një ceremoni përkujtimore javën e ardhshme.
Megjithatë, festa zhvillohet ndërkohë që Japonia po përballet me sfidat shëndetësore të një popullsie që po plaket dhe po tkurret. Vitin e kaluar, numri i lindjeve ra për të 16-in vit radhazi. /Gazeta Shneta/