Gazeta ShnetaGazeta Shneta
  • Lajme
  • Teknologji
  • Mjeku juaj
  • Këshilla për shtatzëna
  • Femina
  • Jetë
  • Publikime
  • Psikologji
  • Logopedi
  • Fizioterapi
Facebook Twitter Instagram
Facebook Twitter YouTube
Gazeta ShnetaGazeta Shneta
  • Lajme
  • Teknologji
  • Mjeku juaj
  • Këshilla për shtatzëna
  • Femina
  • Jetë
  • Publikime
  • Më shumë
    • Psikologji
    • Logopedi
    • Fizioterapi
Gazeta ShnetaGazeta Shneta

Java 14

Këshilla për shtatzëna 28/08/2022
Facebook WhatsApp Twitter LinkedIn Reddit Email Telegram
Foto ilustrim: Tommys.org
Shpërndaje
Facebook WhatsApp Twitter LinkedIn Email Telegram

Mirësevini në javën e 14-të! Shpresojmë se gjerë tani gjithçka ka shkuar mirë me kontrollet që keni pasur te mjeku juaj.

Bebi juaj është në madhësinë e një pjeshke dhe gati ka dyfishuar madhësinë në krahasim me para dy javësh.

Rritja po vazhdon në ritme shumë të shpejta. Veshkat kanë filluar funksionimin, urina po krijohet dhe po derdhet në lëngun amniotik përreth bebit tuaj.

Pankreasi po funksionon, sikurse edhe pjesët e tjera të trupit të vogël të bebit tuaj. Muskujt po lëvizin dhe nëse keni fat mund ta shihni në ultrazë bebin tuaj duke mbajtur në gojë gishtin tregues të dorës.

Tani ju jeni në fillimin e tremujorit të dytë, i cili do të jetë shumë më lehtësues për ju, me më pak lodhje e me më pak strese.

Ndryshimet te ju

Sikurse u cek, tani lodhja nuk do t’iu karakterizojë, sikurse që nuk do të karakterizoheni edhe me urinim të shpeshtë dhe me vjellje.

Mund të ndieni pak dhimbje të vogla të muskujve dhe ligamenteve tuaja të cilat po zgjaten për t’i siguruar rehatinë e duhur banorit më të ri të trupit tuaj.

Tani jeni më energjike! (Foto: Google)

Gjithsesi, fillimi i tremujorit të dytë karakterizohet me energji të madhe për ju dhe ndryshe njihet edhe si periudha e ‘pushimit të mjaltit’.

Sigurisht se ndiheni më të uritura dhe tani keni apetit më të madh për ushqim, për ju dhe për banorin e trupit tuaj.

Barku juaj po vazhdon të fryhet dhe tanimë të gjithë mund ta vërejnë se jeni shtatzënë, andaj bëni mirë që nëse nuk e keni bërë gjerë tani, t’i njoftoni ata për lajmin më të ri.

Në peshë duhet të tregoni pak kujdes, veçanërisht me dietën tuaj të shëndetshme. Ekspertet rekomandojnë ushtrime të posaçme për shtim peshe të shëndetshëm, në mënyrë që edhe pas lindjes të rikthehet shpejtë te format e juaja.

Sipas Kolegjit Amerikane për Gjinekologji dhe Obstetrikë ju duhet të synoni vlerat e mëposhtme:

Nëse jeni nënpeshë (indeksi i masës trupore poshtë 18.5)

  • Rekomandohet që totali i peshës së shtuar gjatë shtatzënisë të jetë mes 12 dhe 18 kg
  • Në tremujorin e dytë dhe të tretë synoni të mos shtoni më shumë se 0.5 kg për javë

Nëse keni peshë mesatare (indeksi i masës trupore 18.5 deri 24.9)

  • Rekomandohet që totali i peshës së shtuar gjatë shtatzënisë të jetë mes 11-15 kg
  • Në tremujorin e dytë dhe të tretë synoni të mos shtoni më shumë se 0.4 kg

Nëse jeni mbipeshë (indeksi i masës trupore 25 deri 29.9)

  • Rekomandohet që totali i peshës së shtuar gjatë shtatzënisë të jetë 7-11 kg
  • Në tremujorin e dytë dhe të tretë synoni të mos shtoni më shumë se 0.3 kg

Nëse jeni obeze (indeksi i masës trupore 30 e më lartë)

  • Rekomandohet që totali i peshës së shtuar gjatë shtatzënisë të jetë 5-9 kg
  • Në tremujorin e dytë dhe të tretë synoni të mos shtoni më shumë se 0.25 kg

Nëse jeni 13 javësh me binjakë

  • Rekomandohet që totali i peshës së shtuar gjatë shtatzënisë të jetë mes 17-23 kg
  • Në pjesën e parë të shtatzënisë synoni të mos shtoni më shumë se 0.5 kg për javë. Në pjesën e dytë synoni pak më shumë se 0.5 kg për javë.
Ju mund ta provoni kalkulatorin për matjen e indeksit të masës trupore te Gazeta Shneta! Kalkulatorin e gjeni te pjesa e djathtë.

Gjithsesi, mos u mundoni ta stresoni vetën shumë me numra. Është e rëndësishme që dieta juaj të jetë e shëndetshme dhe me varietet ushqimesh. Ju duhet të hani më shumë kalori dhe të bëni më shumë ushtrime.

Kontrolli me ultrazë

Në javën e 14-të nuk ekziston një termin i veçantë për ekzaminim me ultrazë, por mund të realizohet. Besohet se ju deri tani e keni kryer ekzaminimin ultrasonografik dhe radha tani do të jetë për ekzaminimin anatomik i cili realizohet mes javëve 18 dhe 22.

Mjeku mund t’iu caktojë një termin për ultrazë më herët, rreth javës 15-17, nëse planifikon të ketë Amniocentezë. Këtë procedurë mund ta realizoni në Prizen te Qendra e Mjekësisë Fetale me Dr Arbërore Nora Zymberi.  

Tre fotografi nga ultrazëri që tregojnë gjininë: Foto 1 në 2D: Djalë; Foto 2 në 3D: Vajzë; Foto 3 në 3D: Djalë;

Bebi juaj tani po lëviz duart dhe këmbët dhe ju ndoshta mund ta vëreni gishtin në gojë. Gjinia ende nuk është plotësisht e qartë edhe pse ekstremitet gjenitale janë krijuar.

Mjeku juaj mund të hezitojë të ju jap ndonjë përgjigje rreth gjinisë.

Artikulli paraprakJava 13
Artikulli i rradhës Java 15

Ju sugjerojmë

Konsumimi i duhanit gjatë shtatzënisë, ja se çfarë duhet të dini

26/03/2023 Këshilla për shtatzëna

Llojet e çajrave që mund t’i konsumoni gjatë shtatzënisë suaj

25/03/2023 Këshilla për shtatzëna

A janë të dëmshme infeksionet në vesh gjatë shtatzënisë suaj?

25/03/2023 Këshilla për shtatzëna

Ndryshimet në javën e 33’të të shtatzënisë

24/03/2023 Këshilla për shtatzëna

Si të zgjidhni produkte të sigurta për kujdesin e lëkurës për foshnjën tuaj të sapolindur

22/03/2023 Jetë

HIV në shtatzëni: Çfarë duhet të dijë një nënë e ardhshme e prekur nga ky infeksion?

22/03/2023 Këshilla për shtatzëna
Na ndiqni
  • Facebook
  • Twitter
  • Instagram
  • YouTube
Rreth nesh
Rreth nesh

Gazeta Shneta është produkt medial që i kushtohet vetëm shëndetësisë.

Këshillat mjekësore të postuara nga Gazeta Shneta janë të natyrës edukative.

Kontakt

Email: [email protected]

Adresa: “Mbretëresha Teutë”, PN – Prishtinë

Marketing

Email: [email protected]

Tel: +383 48 701 781

Përmbajtja

Gazeta Shneta është e hapur ndaj partnerëve të marketingut.

Linqe

Privacy Policy

Facebook Twitter Instagram YouTube
© 2023 Gazeta Shneta

Shkruani fjalën dhe klikoni Search/Enter për të kërkuar. Klikoni X për ta anuluar.