Ekipi i kardiokirurgëve dhe kardiologëve amerikanë dhe italianë kanë operuar 29 fëmijë kosovar me probleme në zemër.
Ekipi i mjekëve të cilët kryen shërbimin në kuadër të shoqatës ndërkombëtare “Gift of Life” operuan 11 fëmijë me defekte në zemër, përfshirë edhe një fëmijë 2 muajsh me peshë 3 kilogramë, e poashtu janë kryer 18 intervenime në Kardiologji Invazive- Diagnostike.
Dr. Françesko Santoro, njoftoi se intervenimet janë kryer me sukses dhe fëmijët aktualisht kanë gjendje të mirë shëndetësore. Poashtu, u shpreh shumë i kënaqur me bashkëpunimin me mjekët dhe stafin tjetër shëndetësor nga Kosova.
Ekipi mjekësor përbëhej nga kardiokirurgët dr. Françesko Santoro dhe dr. Ribiera Santoro, nga kardiologët dr. Herbert Stern dhe dr. Roberto Tumbarello, me kolegë të tyre. /Gazeta Shneta/
