Zejnullah B. Makolli, një banor i Prishtinës, ka vendosur të ndajë një letër të hapur në rrjetin social Facebook, për të shprehur mirënjohjen dhe falënderimin e tij për stafin mjekësor të Klinikës së Kardiokirurgjisë në Qendrën Klinike Universitare të Kosovës (QKUK). Përmes kësaj letre, ai sjell në pah profesionalizmin dhe përkushtimin e tyre të pamohueshëm në trajtimin e tij shëndetësor.
Pas një periudhe të vështirë shëndetësore, Zejnullah përballet me një gjendje të rëndë të zemrës së tij. Në këtë moment kritik, stafi mjekësor i Klinikës së Kardiokirurgjisë intervenon me përvojën dhe shkathtësinë e tyre në zemë. Falë profesionalizmit të Kardiokirurgut Dr. Ramë Alaj, anesteziologut Dr. Shkëlzen Muriqi dhe të gjithë stafit mjekësor të klinikës, Zejnullah arriti të tejkalonte me sukses një situatë shumë të rrezikuar për jetën e tij.
Në letër, ai gjithashtu shpreh mirënjohjen e tij për angazhimin dhe kujdesin e të gjithë stafit mjekësor të QKUK, duke përfshirë Dr. Fisnikun, Dr. Edin, Dr. Jetmirin, mjekët dhe infermierët. Ai e vlerëson përkushtimin e tyre në çdo fazë të kujdesit shëndetësor, që nga pranimi e deri te ndihma pas operacionit.
Postimi në Facebook:
”
Përmes kësaj letre dua të shprehë mirënjohen time të pafund dhe të falënderoj publikisht stafin mjekësor të Klinikës së Kardiokirurgjisë të QKUK, për përkushtimin dhe profesionalizmin e tyre në intervenimin në zemër të hapur dhe vendosje të ByPass si dhe për përkujdesin e treguar para, gjatë dhe pas operimit tim në këtë Klinikë.
Duke iu falënderuar profesionalizmit të Kardiokirurgut Dr. Ramë Alaj dhe ekipit të tij; anesteziologut Dr. Shkëlzen Muriqi si dhe stafit të kësaj klinike (mjekë e infermierë), arrita me sukses ta kaloj një gjendje shumë të rëndë, nga e cila ishte e rrezikuar seriozisht jeta ime.
Sot, unë gjendem pranë familjes sime falë profesionalizmit dhe angazhimit të të gjithë stafit mjekësor, që nga pranimi im në Qendrën Emergjente. Dëshiroj të falënderoj gjithashtu dr. Fisnikun, dr. Edin, dr. Jetmirin, mjekët dhe infermierët e GJIK për profesionalizëm e angazhim.
Edhe njëherë dua të shprehë mirënjohjen më të lartë për profesionalizmin e Dr.
Ramë Alaj duke i dëshiruar shëndet e suksese në misionin e tij human. Të lumshin duart dr. Ramë.
Unë dhe familja ime Ju jemi falënderues dhe mirënjohës përjetësisht.
Zoti ju bekoftë juve dhe familjet e juaja.
