Kardiokirurgët në QKUK kanë kryer për herë të parë operacionin ‘David’ tek një pacient me diseksion akut të aortës dhe rupturë në rrënjët e saj.
Me këtë operacion mundësohet që pacientit t’i ruhet valvula native aortale gjatë zëvendësimit të rrënjës së aortës në rastet kur ka diseksion akut dhe aneurizëm, ka shpjeguar njëri nga mjekët që ka kryer këtë operacion Dr. Kushtrim Shala, shkruan Gazeta Shneta.
Operacioni është kryer nga ekipa Dr. Kushtrim Shala, Dr. Endrit Shala dhe ekipa e anestezionit.
Më poshtë gjeni njoftimin e plotë të postuar në Facebook nga Kushtrim Shala:
Për herë të parë në QKUK në kardiokirurgji kemi realizuar operacionin David tek një pacient me diseksion akut të aortës dhe rupturë në nivel të rrënjes së saj. Operacioni David konsiston në ruajtjen e valvules native aortale të pacientit gjatë zëvendësimit të rrënjës së aortës tek pacientet me diseksion akut edhe aneurisem të rrënjes së aortës si dhe paraqet standardin e artë të trajtimit kirurgjik te patologjive të tilla aortike patologji këto që deri më tani janë trajtuar shpeshherë duke sakrifikuar valvulen e shëndosh të pacientit me valvule prostetike gjatë zevendesimit te rrënjës së aortës që njihet si operacioni Bental modified.
Përkundrazi operacionet David (VSARR) janë operacione më komplekse ku ruhet integriteti i valvulës së shëndosh në pozitë fiziologjike dhe pacienti shpëton nga përdorimi i përjetshëm i antikoagulanteve gjë që rrit kualitetin e jetës dhe ulë mortalitetin shoqërues (nga gjakderdhjet dhe sulmi në tru). Operacionet e tilla komplekse kryhen kryesisht në qendra te mëdha me volum dhe eksperiencë afatgjatë dhe të specializuara për kirurgjinë e aortës.
Njëkohësisht gjatë këtij operimi për herë të parë në raste të tilla është realizuar proteksion i zemrës me kardioplegji Del Nido, njera ndër kardioplegjitë që ofron proteksion superior të miokardit (ruajtjes së zemrës gjatë operacioneve të tilla). Pacienti i pranuar në gjendje shoku si diseksion akut Stanford tip A në mesnatën e djeshme pas operimit në mëngjesin e sotëm është vendosur në mjekimin intenziv kardiokirurgjik në gjendje stabile për trajtim të mëtejshëm.