Kardiokirurgët e QKUK përveç pagave bazë të specialistëve, ata paguhen edhe për gatishmëri me çka arrijnë rrogën deri mbi 2 mijë euro në muaj
Në Qendrën Klinike Universitare të Kosovës gjatë ditës së djeshme është publikuar raporti për operacionet brenda 24 orëve në të gjitha klinikat. Më së shumti operacione janë kryer në Klinikën e Gjinekologjisë me 17 sosh, shkruan Gazeta Shneta.
Ndërkaq më së paku operacione ka pasur në Klinikën e Kardiokirurgjisë. Kirurgët e zemrës kanë kryer vetëm një operacion në 24 orë. Operacionet në zemër mund të jenë më të rrezikshmet dhe më të shtrenjtat sa i përket kostos financiare.
Por edhe kardiokirurgët i kushtojnë më së shumti buxhetit të QKUK-së. Ata paguhen shumëfish më shumë sesa kolegët e tyre në klinikat tjera. Gazeta Shneta ka raportuar vazhdimisht me dokumente për pagat deri 2100 euro që merr një kardiokirurg e deri 800 euro një infermiere.
Këto paga ata i arrijnë nëpërmjet stimulimeve dhe gatishmërive që iu paguhen atyre qindra euro në muaj. /Gazeta Shneta/