Në Klinikën e Kardiologjisë këtë vit janë stentuar mbi 170 pacientë më shumë sesa vitin e kaluar
Mjekët e zemrës në Klinikën e Kardiologjisë në QKUK kanë shënuar performancë pozitive këtë vit duke stentuar më shumë pacientë sesa vitin e kaluar, shkruan Gazeta Shneta.
Në një raport që është publikuar nga Shërbimi Spitalor Klinik Universitar, nga 1 janari deri më sot në këtë klinikë janë punuar në koronarografi 2680 raste, prej të cilëve 1600 i janë nënshtruar stentimit.
Ndërsa në bazë të një raporti që e posedon Gazeta, vitin e kaluar janë kryer më pak koronarografi dhe stentime.
Mjekët në këtë klinikë vitin e kaluar kanë kryer 2480 koronarografi, ndërsa kanë realizuar 1427 stentime.
Në krahasim i bie që këtë vit janë kryer 200 koronarografi dhe 173 raste të stentimit më shumë sesa vitin e kaluar ende pa u përmbyllur viti. /Gazeta Shneta/