Katër mjekë në Spitalin e Fierit e kanë rrahur brutalisht të birin e një pacienti.
Emisioni “Stop” ka publikuar një audio-incizim të ngjarjes ku mjekët kanë ushtruar dhunë brutale ndaj qytetarit Ardit Klima, transmeton Gazeta Shneta.
Në audio-incizim dëgjohet neurologu Enver Halili bashkë me disa kolegë të tjerë të Hemodinamikës, Ndriçim Kallashi dhe një tjetër i quajtur Luli, duke e goditur dhe ofenduar të riun.
Mjekët mohojnë ta kenë prekur me dorë, por fotot e Arditit dhe audio regjistrimi tregojnë të kundërtën. Drejtoria e Policisë Fier në një deklaratë për mediat bëri me dije një ditë pas ngjarjes, se u vu në pranga 32-vjecari, pasi ushtroi dhunë fizike ndaj mjekut neurolog Enver Halili, gjatë ushtrimit të detyrës.
Tashmë çështja i ka kaluar Prokurorisë pranë Gjykatës së Shkallës së Parë Fier, e cila po heton 32-vjeçarin për veprën penale të “Goditjes për shkak të detyrës”./Tv Klan