Kardiologu shqiptar në Gjermani, Dr. Fahri Beqa, ditën e djeshme e ka postuar një shkrim mbi vaksinat në rrjetet sociale, por të njëjtin shkrim pa e cituar fare e ka përvetësuar neurokirurgu Armend Agolli, i cili ka mbajtur edhe pozitën e këshilltarit të ministrit Armend Zemaj.
“Me qenë këshilltar i Armend Zemajt e me qenë origjinal duket se është bukur e vështirë”, ka shkruar Beqa në profilin e tij në Facebook, transmeton Gazeta Shneta.
Beqa e ka kritikuar Agollin për përvetësimin e shkrimit duke thënë se të paktën t’ia kishte cituar emrin e tij.
“Të paktën t’a kishte ndryshuar ndonjë pikë, presje apo ndonjë shkronjë të postimit tim të bërë dje mbi vaksinat ose t’a kishte vendosur emrin tim në fillim apo në fund. Por jo vetëm emri im mungon, ndërsa postimi im komplet copy paste”, ka shkruar Beqa.
Më poshtë e gjeni postimin e tij të plotë: