Transporti ajror i urgjencës mjekësore nga Prishtina në Napoli, është shfrytëzuar sot për bartjen e foshnjës dymuajshe, Irenës, në gjendje të rëndë shëndetësore gjatë pasditës.
Falë organizatës së KFOR-it dhe Komandës së Operacioneve të Përbashkëta Italiane, një avion i Forcave Ajrore ka mundësuar transportin e vajzës së vogël e cila vuante nga një sëmundje shumë e rëndë në zemër, së bashku me nënën e saj, nga Prishtina për në spitalin “Monaldi” në Napoli, ku ekipi i specializuar mjekësor do të kujdeset për të, transmeton Gazeta Shneta.
“Karabinierët e Regjimentit të MSU-së – Njësia e Specializuar Shumëkombëshe, pjesë e Misionit të KFOR-it, aktivizuan Ambasadën Italiane në Prishtinë dhe Komandën e Përbashkët Operative Italiane për të finalizuar shpejt bashkëpunimin bujar të ofruar nga Spitali “Monaldi”, i njohur si qendër e ekselencës për patologjitë neonatale dhe nga instituti fetar “Povere Figlie della Visitazione di Maria” në Napoli, i cili do të presë nënën e foshnjës për të gjithë periudhën e trajtimit”, thuhet në njoftimin e dhënë.
Mes tjerash, ky gjest konkret dhe domethënës ndihmon në konsolidimin e marrëdhënieve të miqësisë, bashkëpunimit dhe solidaritetit ndërmjet misionit të NATO-s KFOR, institucioneve italiane dhe Kosovës.
KFOR-i i ka dëshiruar sukses Irenës së vogël! /Gazeta Shneta/