Gazeta Shneta ka realizuar një intervistë me drejtorin e klinikës së Kirurgjisë Vaskulare me dr. Hajriz Rudari. Ai ka treguar për sëmundjet të cilat i trajton kjo klinikë, nevojat të cilat ka klinika si dhe trajtimet të cilat realizohen në këtë klinikë.
Dr. Hajriz Rudari është specialist i kirurgjisë vaskulare prej vitit 2004, magjistër i shkencave mjekësore 2010. Ai mban pozitën e drejtorit të klinikës së kirurgjisë vaskulare nga viti 2018-2021 mandati i parë dhe mandati i dytë nga shtatori i vitit 2021, shkruan Gazeta Shneta.
Dr. Rudari ka marrë pjesë në trajnime të shumta nga lëmia e Kirurgjisë së hapur- Vaskulare dhe Endovaskulare në Qendra (Klinika) të ndryshme Europiane si dhe punime të shumta të indeksuara në revista kombëtare dhe ndërkombëtare.
Gjatë këtij viti deri tani në këtë klinikë janë trajtuar 1100 pacientë dhe janë realizuar 6701 vizita.
Klinika e Kirurgjise Vaskulare ka 24 shtretër dhe janë trajtuar 1100 pacientë. Janë realizuar 6701 vizita, gjatë këtij viti- deri më tani, si dhe 944 operacione. Për dallim nga vitet e tjera, numri i pacienteve është në rritje e sipër,- bëri të ditur ai.
Sëmundjet më të shpeshta që paraqiten sipas doktorit Rudari janë sëmundjet e enëve të gjakut të ekstremiteteve të poshtme, komplikimet e diabetit dhe deri tani vetëm një person është referuar për shërim jashtë vendit.
Sëmundjet më të shpeshta që paraqiten në Klinikën e Kirurgjisë vaskulare janë sëmundjet e enëve të gjakut të ekstremiteteteve të poshtme, komplikimet e diabetit. Kurse sa i përket sëmundjeve malinje ne kemi pacientë me numër shumë të vogël ose fare sepse fatmirësisht sëmundjet malinje që përfshijnë enët e gjakut janë të rralla. Jashtë vendit kemi referuar 1 pacient për trajtim endovaskular (EVAR,TEVAR ), – shtoi drejtori Rudari.
Drejtori Rudari tregoi se gjatë mandatit të tij në klinikën e kirurgjisë Vaskulare janë shtuar shërbimi i intervenimit të venave me metodën Endovenoze si dhe vendsoja e port-katetereve për pacientët me sëmundje malinje.
Në klinikën vaskulare gjatë mandatit tim janë shtuar: shërbimi i intervenimit të venave me metodën Endovenoze (RFA) si dhe vendosja e port – katetereve për pacientët me sëmundje malinje të cilët referohen nga Klinika e Onkologjisë me të cilën kemi bashkëpunim të shkëlqyer, – tregoi dr. Hajrizi.
Dr. Rudari shtoi se janë në pritje të shërbimit të ri endovaskular duke përfshirë procedurat për intervenime në arterie të qafës, gjoksit, barkut, ekstremiteteve të sipërme dhe të poshtme.
Pritet që shumë shpejt të realizohet edhe shërbimi i ri: Shërbimi Endovaskular duke përfshirë procedurat për intervenime në arterie të qafës ,gjoksit, barkut ,ekstremitetet e sipërme dhe të poshtme i cili është një nga projektet më madhore i mbështetur nga Ministria e Shëndetësisë dhe ShSKUK-së për trajtimin endovaskular të pacientëve në mënyrë që të zvogëlojmë apo edhe fare të mos udhëzojmë paciente jashtë institucioneve publike. Këtu shoh edhe ndryshimet që do të arrihen gjatë këtij viti ose fillimin e vitit që vjen në të mirën e pacientëve si dhe kursimin e buxhetit të shtetit,- shtoi ai.
Sipas dr. Hajrizit pëqrindja e vdekshmërisë është rreth 2.5%.
Përqindja e vdekshmërisë është rreth 2,5 % në Klinikën tonë, kurse sa i përket infeksioneve brendaspitale është komisioni në kuadër të klinikës i cili merret me raportimin e rasteve me infeksion intrahospitalor i cili është duke pununuar në masat e parandalimit dhe zvogëlimit të këtyre infeksioneve,- bëri të ditur dr. Rudari.
Drejtori Rudari thotë se kanë nevojë për zgjerimin e shërbimeve si dhe me rritje të shërbimeve.
”Si Klinikë, duke marrë parasysh që për momentin jemi e vetmja Qendër në Kosovë që ofrojmë trajtime dhe shërbime nga lëmia e sëmundjeve vaskulare ku kemi në dispozicion vetëm 24 shtretër dhe kemi nevojë për zgjerimin e shërbimit si me vende ashtu edhe me rritje të shërbimeve. Të gjitha këto ndihmojnë të fokusohemi në rritje të cilësisë së shërbimeve shëndetësore. Kjo është njëra nga objektivat që ndikon direkt edhe në zvogëlimin e listës së pritjes së venave varikoze. Fatmiresisht venat varikoze janë sëmundje që mund të presin dhe qe nuk shkaktojnë ndonjë komplikim serioz. Edhe në qendrat europiane ka listë pritjeje për vena varikoze,” – përfundoi ai.
/Gazeta Shneta/