Brandi Rogers u këshillua nga mjekët ta lindte fëmijën në javën e 26-të, pasi që do të ishte në të mirën e shëndetit të saj, transmeton Gazeta Shneta.
Nëna 25-vjeçare nga Karolina e Jugut është shtatë muaj shtatzënë me fëmijën e saj të tretë, Emersyn, i cili është diagnostikuar me anencefali, gjendje kjo e cila ndalon zhvillimin normal të kockave dhe trurit të fëmijës.
“Është një ndër gjërat që nuk e kam menduar se do më ndodhë ndonjëherë, veçanërisht kur kam dy fëmijë të shëndoshë.” tha nëna për Kidspot.
Sipas mjekëve, vajza e vogël do të lindë pa pjesë të trurit dhe kafkës së saj dhe pritet të vdes menjëherë pas lindjes.
Kështu, vendimi i nënës ishte befasues. Ajo vendosi ta mbajë bijën e saj.
“Do të më lejojnë që menjëherë ta mbaj atë dhe ata kurrë nuk do ta marrin atë nga unë, e asnjëherë nuk do të na ndajnë. Ajo do të qëndrojë me mua, dhe do të shërohet së bashku me mua. Ne gjithashtu do të vonojmë marrjen e matjeve të saj.”, thoshte nëna.
Megjithatë, arsyeja kryesore që ata vendosën të prisnin për të lindur Emin – siç e quajnë me dashuri – ishte tërësisht altruiste.
“Më e rëndësishmja është që ata po punojnë me ne për të shkuar në të paktën 37 javë në lindje, kështu që ne ende mund të dhurojmë organet e saj. Ne duam që ajo të lërë diçka prapa.”
Çifti ndihet më “në paqe” me vendimin e tyre të vështirë.
“Do të jetë e vështirë t’ia shpjegoj Lawson, birit im, pse nuk po e sjellim motrën e tij në shtëpi,” tha ajo për Inside Edition, duke shpjeguar se Haigan tashmë e dinte se ai do të ketë një motër më të vogël.
“Fokusi im kryesor është të sigurohemi që ai nuk do të frikësohet nga kjo.”/Gazeta Shneta/