Qendra Klinike Universitare e Kosovës para disa viteve kishte mungesë të skriningut të syve për fëmijët e lindur para kohe në Klinikën e Neonatologjisë.
Në QKUK fëmijët që lindnin para kohe nuk mund të diagnostikoheshin nëse kishin probleme me sy apo jo. Në këtë gjendje fëmijët liroheshin nga spitali, në disa raste edhe të verbër.
Pasi u raportua në media për këtë rast, Spitali Kubati pati marr përsipër që të bëj skriningun falas për fëmijët e lindur para kohe, për një vit rresht në QKUK.
“Data 17 nëntor shënon Ditën Ndërkombëtare të Fëmijëve Prematur. Në këtë fushë, rol kyç ka luajtur edhe Spitali Kubati i cili për herë të parë mundësoi skriningun për fëmijët e lindur para kohe në Qendrën Klinike Universitare të Kosovës. Ky aktivitet humanitar është realizuar falë stafit profesional të spitalit Kubati, të cilët përgjatë një viti me radhë realizuan vizitat për fëmijët e prematur dhe trajnuan stafin”, thuhet në një postim të Spitalit Kubati në Facebook. /Gazeta Shneta/
