Kompania “Agani” e cila po përflitet në akuzat se është favorizuar në kohën e ministrit të Shëndetësisë Arben Vitia, në fakt shifrat e kontratave flasin ndryshe.
Partia Demokratike e Kosovës sot ka mbajtur një konferencë për media ku akuzoi ministrin Vitia se ka favorizuar këtë kompani pasi vet ka punuar në të para disa viteve.
Gazeta Shneta ka bërë një përmbledhje të kontratave që ka fituar kjo kompani vetëm në vitin 2020, dhe del se “Agani” ka fituar më shumë kontrata në kohën kur ministër ka qenë Uran Ismaili i PDK-së.
Gjatë muajit janar kjo kompani ka fituar katër kontrata: 43,008.00; 73,857.60; 2,762.00 dhe 550.00 që në total janë 120 mijë e 177 euro.
Agani në muajt shkurt dhe mars nuk figuron në e-prokurimi të ketë fituar ndonjë kontratë, ndërkaq në muajin prill ka fituar një lot në vlerë 16 mijë e 55 euro në kuadër të një tenderi të negociuar për furnizim emergjent me materiale kundër koronavirusit. /Gazeta Shneta/