Kompania Pfizer njoftoi se do të kërkojë autorizimin urgjent nga Administrata e Ushqimit dhe Barnave (FDA) në SHBA, për një dozë të tretë të vaksinës së tyre.
Megjithëse vaksina Pfizer/BioNTech mbron nga varianti delta, një dozë përforcuese mund të rrisë përgjigjen imune dhe të sigurojë mbrojtje më të qëndrueshme shkruan Medical News Today përcjell Gazeta Shneta.
Njoftimi për shtyp nga kompania Pfizer shpjegon se:
“Pfizer dhe BioNTech kanë parë të dhëna inkurajuese në provën përforcuese në vazhdim të dozës së tretë të vaksinës aktuale BNT162b2. Të dhënat fillestare nga studimi tregojnë se një dozë përforcuese e dhënë 6 muaj pas dozës së dytë ka një profil të qëndrueshëm të tolerancës ndërsa nxjerr veprim të lartë të neutralizimit kundër llojit të egër dhe variantit beta, dhe antitrupat janë 5 deri në 10 herë më të larta se pas dy dozave kryesore”.
Poashtu gjatë njoftimit për shtyp, kompania shpjegon gjithashtu se 6 muaj pas vaksinës, mbrojtja kundër sëmundjeve të rënda “mbetet e lartë”. Sidoqoftë, mbrojtja kundër zhvillimit të infeksionit dhe sëmundjes simptomatike mund të bie.
Bazuar në të dhënat aktuale të disponueshme, kompania “Pfizer dhe BioNTech besojnë se një dozë e tretë mund të jetë e dobishme për të ruajtur nivelet më të larta të mbrojtjes”. /Gazeta Shneta/