Ministria e Bujqësisë, Pylltarisë dhe Zhvillimit Rural dhe Agjencia e Ushqimit dhe Veterinës kanë njoftuar për menaxhimin e rasteve të sëmundjeve infektive te gjedhët, konkretisht brucelozës dhe tuberkulozit, duke theksuar se janë ndërmarrë veprimet në përputhje me legjislacionin në fuqi.
Rasti i parë është konfirmuar më 3 mars 2026 në fshatin Lubishtë të komunës së Vitisë, tek një fermer lokal.
Sipas AUV, menjëherë pas konfirmimit kanë nisur procedurat përkatëse për kontrollin e situatës.
“Ministria e Bujqësisë, Pylltarisë dhe Zhvillimit Rural, në bashkëpunim të ngushtë me Agjencinë e Ushqimit dhe Veterinës (AUV), mbeten të përkushtuara në zbatimin e plotë të masave ligjore dhe profesionale për parandalimin dhe kontrollin e këtyre sëmundjeve, si dhe mbeten të përkushtuara në ruajtjen e shëndetit publik dhe garantimin e sigurisë ushqimore në vend.”, thuhet në njoftim.
Autoritetet theksojnë se bashkëpunimi ndërinstitucional është kyç për menaxhimin e situatës, duke garantuar mbrojtjen e shëndetit publik dhe sigurinë ushqimore në vend.
Njëkohësisht, u bëhet thirrje fermerëve dhe qytetarëve që të raportojnë çdo rast të dyshuar dhe të bashkëpunojnë me institucionet përgjegjëse për të parandaluar përhapjen e sëmundjeve./Gazeta Shneta/