Nënkryetari i Lëvizjes Vetëvendosje Glauk Konjufca është prononcuar për media pas takimin në zyrën e Lidhjes Demokratike të Kosovës.
Konjufca ka bërë të ditur se ekspertët e dy partive kanë biseduar për përafrimin e programit qeverisës në shëndetësi dhe arsim, shkruan Gazeta Shneta.
“Kemi biseduar enkas për shëndetësinë dhe arsimin. Mund të them se ka qenë një takim që është zhvilluar me pajtueshmëri dhe frymë të thellë të bashkëpunimit. Është një nga takimet që kemi pasur më së shumti pajtueshmëri. Janë trajtuar së paku 10 tema thelbësore të shëndetësisë dhe arsimit dhe mund të them se kemi pasur mospajtim tretësor të natyrës teknike dhe kohore”, ka deklaruar Konjufca.
Ai ka thënë se ende nuk kanë folur për ndarje të posteve ministrore dhe as për emrat që do t’i udhëheqin ato.
Konjufca ka thënë se prezenca e nënkrytarit të LDK-së Lutfi Haziri i ka kontribuar atmosferës pozitive në takim. /Gazeta Shneta/