Vetëm nga një kandidat e ka kaluar testin me shkrim në Spitalin e Gjakovës dhe në pozitën e shefit të Prokurimit. Ndërkaq në Spitalin e Ferizajt konkursi ka dështuar.
Gjatë ditës së sotme është mbajtur testi me shkrim për pozitën e drejtorit të Spitalit të Gjakovës, Ferizajt dhe shefit të Prokurimit në SHSKUK, shkruan Gazeta Shneta.
Testin me shkrim për drejtor në SP Ferizaj nuk e ka kaluar asnjë kandidat. Ragip Bytyqi dhe Gzim Shala nuk i kanë arritur pikët e nevojshme, ndërsa Jeton Zeqiri ka munguar.
Për pozitën e drejtorit të SP Gjakovës testin e ka kaluar vetëm kandidati, ud.drejtorit aktual Hilmi Shala. Ai ka qenë i vetmi kandidat pjesëmarrës në test, pasi Afrim Dervishi dhe Besart Gashi kanë abstenuar.
Edhe në testin me shkrim për pozitën e shefit të Prokurimit ka kaluar vetëm një kandidat. Ekrem Fetahu ushtrues i detyrës së shefit ka marr 68 pikë, ndërsa kundërkandidati i tij Selami Krasniqi nuk ka arritur ta kaloj testin me 46.5 pikë.
Kandidatët Gzim Shala, Lulqim Goqi dhe Besnik Cenaj kanë munguar. /Gazeta Shneta/
