“Kosova’s Organization of Medical Students”, ka njoftuar sot se shteti i Kosovës është anëtarësuar në organizatën “The International Federation of Medical Students’ Associations-IFMSA”.
“KOMS ka kënaqësinë të ju njoftojë që nga sot Kosova është shtet anëtar me të drejta të plota në The International Federation of Medical Students’ Associations-IFMSA! Shteti ynë i cili përfaqësohet nga KOMS, ka fituar të drejtën e votës në orët e hershme të mëngjesit të sotëm, pas votimit të kandidaturës tonë nga shtetet anëtare të pranishme në IFMSA March Meeting 2019, që po zhvillohet në Portorož, Slloveni”, thuhet në njoftim, transmeton Gazeta Shneta.
Studentët pritet të kenë përfitime nga anëtarësimi në këtë organizatë. “Ky proces ka qenë i gjatë, i lodhshëm dhe shumë sfidues. Por, përfitimi që studentët tonë do të kenë si pjesëmarrës të vendimarrjes në IFMSA është i jashtëzakonshëm dhe i jep vlerë mundit dhe kohës që është investuar në këtë proces integrimi të ndjeshëm e të ndërlikuar”, thuhet në njoftim.
Kosova’s Organization of Medical Students (KOMS), e krijuar më 2011, është organizata e parë dhe më e madhe e studentëve dhe profesionistëve të shkencave mjekësore në Kosovë. /Gazeta Shneta/