Oftalmologu Dr. Florim Zejnullahu, i cili është edhe kryetar i Komisionit Disiplinor ka rezultuar pozitiv me virusin Sars-Cov-2.
Lajmin e ka bërë të ditur vet ai përmes një postimi në Facebook, ku ka treguar se dje ka kryer një test në një laborator privat në mënyrë që të merrte rezultatin më të shpejtë për të mos rrezikuar stafin e klinikës, transmeton Gazeta Shneta.
“Për këtë bëjë thirrje që IKSHP të ketë një ekipë të veqantë vetem për staf të QKUK ës sepse në dy javët e fundit është rritur numri i të prekurve ndër mjek dhe infermier”, ka shkruar Zejnullahu.
Ai ka thënë se masat dhe rekomandimet nuk po respektohen në Klinikën e Syve, për çka ka publikuar edhe një fotografi ku shihen pacientët e grumbulluar duke pritur për shërbime.
Njoftimi i tij i plotë:
Të nderuar miq, kolegë dhe dashamirë,
Mbrëm në orën 20 mora rezultatin nga një laborator privat se kam rezultuar pozitiv në SarsCoV-2.
Përkundër që isha kujdestar në Klinikën e Syve për shkak të diskordinimit ndër klinik dhe vonesave që mund të ndodhnin, pas disa simptomeve të dyshimta për të mos rrezikuar të tjerët u detyrova që testimin ta bëj në një laborator privat.
Për këtë bëjë thirrje që IKSHP të ketë një ekipë të veqantë vetem për staf të QKUK ës sepse në dy javët e fundit është rritur numri i të prekurve ndër mjek dhe infermier.
Ju njoftoj se nga sot do tē jem në vetizolim duke respektuar rekomandimet e IKSHP-së.
Të nderuar qytetarë dhe staf mjekësor virusi gjendet në mesin tonë, andaj bartni maskat, ruani distancën dhe aplikoni masat tjera mbërojtëse.
Të nderuar menaxhment i SHSKUK-ës, dhe struktura tjera qeveritare ju lutem të përcillni zhvillimet dhe masat që janë duke u aplikuar tash në shtetet perendimore ngase vonesat që janë duke ndodhur në vazhdimësi për ashpërsim të masave po ju kushtojnë shumë klinikave dhe ka bërë që të ketë reduktim të stafit mjekësor dhe pesfishim të rritjes së numrit me të prekur në nivel vendi.
Momentalishtë në Kliniken e Syve janë të prekur dhjetë mjek dhe inferimer me covid dhe puna po vazhdon normalisht???!!!
Kështuqë bëjë thirrje që për të ruajtur stafin dhe shërbimet momentalisht të kalohet strikt me mbyllje dhe në kalimin e punës vetëm për rastet urgjente.
Fotografi e përditshmërisë së Klinikës se Syve ku shihet numër i madh i pacientëve dhe mosrespektimi i kriterit bazik të luftës anticovid, mbajtjes së distancës.
I juaji,
Dr.Florim Zejnullahu