Kryeministri Albin Kurti ka vizituar sot Shërbimin Spitalor Klinik Universitar pas djegies për herë të dytë të veturës së Drejtorit të Auditorit të Brendshëm të këtij institucioni, Musa Vitisë.
Kurti ka deklaruar se veturat e Vitisë u dogjën pas punës intensive të njësisë së tij e cila ka gjetur shkelje të shumta në raportet e auditimit, shkruan Gazeta Shneta.
Kryeministri ka thënë se dy kompanitë që janë përgjegjëse për sigurinë brenda QKUK-së, kanë dështuar në kryerjen e punës së tyre.
“Dy kompanitë, “Security Code”, përgjegjëse për sigurimin fizik dhe “Quantic”, përgjegjëse për mbikëqyrjen e kamerave kanë dështuar në kryerjen e punës së tyre. E para, sepse për herë të dytë nuk ka arritur të ofroj sigurinë e veturës së z. Vitija, kurse tjetra edhe pas dy jave nuk ka arritur t’i rikthej në funksion kamerat e sigurisë të cilat janë të dëmtuara nga ‘“vetëtima’”, ka deklaruar Kurti.
Ai ka thënë se SHSKUK e ka mbështetjen e tij të parezervë, ndërsa të korruptuarit dhe kriminelët do të duhej të ishin në burg e jo jashtë tij duke përsëritur krimin.
Lexoni postimin e tij të plotë:
Një herë me 19 gusht dhe pastaj sërish me 7 tetor iu dogj vetura Drejtorit të Njësisë së Auditimit të Brendshëm të ShSKUK-së, Musa Vitija. Pas një pune intensive të tij janë gjetur shkelje të shumta të dokumentuara në raport përkatës.
Dy kompanitë, “Security Code”, përgjegjëse për sigurimin fizik dhe “Quantic”, përgjegjëse për mbikëqyrjen e kamerave kanë dështuar në kryerjen e punës së tyre. E para, sepse për herë të dytë nuk ka arritur të ofroj sigurinë e veturës së z. Vitija, kurse tjetra edhe pas dy jave nuk ka arritur t’i rikthej në funksion kamerat e sigurisë të cilat janë të dëmtuara nga “vetëtima”.
Për të shprehur mbështetjen time të parezervë, sot vizitova Shërbimin Spitalor Klinik Universitar të Kosovës. Bashkë me mua në vizitë ishte edhe ushtruesja e detyrës së ministres së Shëndetësisë, Dafina Gexha-Bunjaku dhe zëvendësministri, Arsim Berisha, ku takuam ushtruesen e detyrës së drejtores së ShSKUK-së, Pranvera Zejnullahu- Raçi, Kryesuesen e Bordit Drejtues, Aida Rexhepi dhe Drejtorin, Musa Vitija.
Të korruptuarit dhe kriminelët zjarrvënës e kanë vendin në burg, e jo jashtë tij ku lirinë e përdorin si mundësi për të përsëritur krimin.